Кызматташуу жөнүндө макулдашуу

Кызматташуу жөнүндө макулдашуу

02.12.2015-жыл, Бишкек шаары

Кыргыз Республикасынын Өкмөтүнө караштуу Финансылык чалгындоо мамлекеттик кызматы менен Кыргыз Республикасынын Президентине караштуу Мамлекеттик башкаруу академиясы Кызматташуу жөнүндө макулдашууга кол коюшту.

Жетишилген макулдашуунун максаты жана милдеттери - билим берүү жана

илимий-изилдөө ишинде эки тарапка тең пайдалуу кызматташууну, ошондой эле билим берүү чөйрөсүндө маалыматтык алмашууну жүзөгө ашыруу.

Кол коюлган Макулдашууну төмөнкүдөй багыттар боюнча ишке ашыруу:

- өз ара кызыкчылыкты туудурган темалар боюнча биргелешкен конференцияларды, меймандык лекцияларды, тегерек столдорду, семинарларды өткөрүү;

- КРПМБАнын базасында ФЧМКнын кызматчылары үчүн тренингдерди жана квалификациясын жогорулатуучу курстарды өткөрүү;

- өз ара кызыкчылыктарды жараткан тематика боюнча биргелешкен илимий-изилдөө иштерин жана долбоорлорду ж.б. өткөрүү.

Макулдашууга кол коюшту: Мамбетжанов Мэлис Тулиндыевич - Кыргыз Республикасынын Өкмөтүнө караштуу Финансылык чалгындоо мамлекеттик кызматынын төрагасы жана Насыров Алмаз Турусбекович - Кыргыз Республикасынын Президентине караштуу Мамлекеттик башкаруу академиясынын ректору.

ФЧМКнын басма сөз кызматы