Бардык жеке жана юридикалык жактарга

Кыргыз Республикасынын Өкмөтүнө караштуу Финансылык чалгындоо мамлекеттик кызматынын сайтындагы «Тизмектер» бөлүмүндө Террористтик жана экстремисттик ишке же массалык кыргын салуучу куралды таратууга катышы бар жеке жана юридикалык жактардын эл аралык тизмегинин жаңыланган редакциясы жайгаштырылган (2015-жылдын 28-сентябрындагы абал боюнча).

Кыргыз Республикасынын Өкмөтүнө караштуу Финансылык чалгындоо мамлекеттик кызматынын 2015-жылдын 28-сентябрындагы № 67/Ө буйругуна ылайык, Террористтик жана экстремисттик ишке же массалык кыргын салуучу куралды таратууга катышы бар жеке жана юридикалык жактардын эл аралык тизмегине өзгөртүүлөр жана толуктоолор киргизилди.

Маалымат берүүчү жактар жана акча каражаттары же мүлк менен операцияларды (бүтүмдөрдү) жүзөгө ашыруучу башка жеке жана юридикалык жактар дароо:

1) Кыргыз Республикасынын Өкмөтүнө караштуу Финансылык чалгындоо мамлекеттик кызматынын сайтынан Террористтик жана экстремисттик ишке же массалык кыргын салуучу куралды таратууга катышы бар жеке жана юридикалык жактардын эл аралык тизмегинин жаңыланган редакциясын (2015-жылдын 28-сентябрындагы абал боюнча) жүктөп алуулары;

2) өздөрүнүн маалыматтар базасын жогоруда аталган Тизмектер менен жаңылантуусу;

3) тейленип жаткан бардык кардарларды жана алардын контрагенттерин жана бенефициардык менчик ээлерин (бар болсо) ФЧМКнын 2015-жылдын 28-сентябрындагы № 67/Ө буйругунда аталган жактардын арасында бар же жок экендигин кайра текшерип чыгуулары зарыл.