Бардык жеке жана юридикалык жактарга
Кыргыз Республикасынын Өкмөтүнө караштуу Финансылык чалгындоо мамлекеттик кызматынын сайтындагы «Тизмектер» бөлүмүндө Террористтик жана экстремисттик ишке же массалык кыргын салуучу куралды таратууга катышы бар жактардын улуттук тизмегинин жана Террористтик жана/же экстремисттик мүнөздөгү кылмышты кылгандыгы үчүн жаза мөөнөтүн өтөгөн жактардын тизмегинин (2015-жылдын 19-мартындагы абал боюнча) жаңыланган редакциялары жайгаштырылган.
ФЧМКнын 2015-жылдын 19-мартындагы № 19/Ө буйругуна ылайык, Террористтик жана экстремисттик ишке же массалык кыргын салуучу куралды таратууга катышы бар жеке жана юридикалык жактардын улуттук тизмегине төмөнкүдөй өзгөртүүлөр жана толуктоолор киргизилди:
1) Экстремисттик ишке алардын катышы бардыгы тууралуу маалыматы бар жактардын тизмегинен 10 жеке жак чыгарылды;
2) Террористтик ишке алардын катышы бардыгы тууралуу маалыматы бар жактардын тизмеги 2015-жылдын 13-февралындагы Бишкек шаарынын Октябрь райондук сотунун чечимине ылайык, террористтик жана экстремисттик уюм деп табылган «Ислам мамлекети» же «Ирак менен Левантенин Ислам мамлекети» уюму менен толукталды.
Ошондой эле Террористтик жана/же экстремисттик мүнөздөгү кылмышты кылгандыгы үчүн жаза мөөнөтүн өтөгөн жактардын тизмеги 3 жеке жак менен толукталды.
Маалымат берүүчү жактар жана акча каражаттары же мүлк менен операцияларды (бүтүмдөрдү) жүзөгө ашыруучу башка жеке жана юридикалык жактар дароо төмөнкүлөрдү аткаруулары зарыл:
- Кыргыз Республикасынын Өкмөтүнө караштуу Финансылык чалгындоо мамлекеттик кызматынын сайтынан - «Террористтик жана экстремисттик ишке же массалык кыргын салуучу куралды таратууга катышы бар жактардын улуттук тизмегин» жана «Террористтик жана/же экстремисттик мүнөздөгү кылмышты кылгандыгы үчүн жаза мөөнөтүн өтөгөн жактардын тизмегин» жүктөп алып, өздөрүнүн маалыматтар базасын жаңылантууну (2015-жылдын 19-мартындагы абал боюнча) же ушул Тизмекти кагаз бетине басып чыгарууну;
- тейленип жаткан бардык кардарларды, жана алардын контрагенттерин жана бенефициардык менчик ээлерин (бар болсо) ФЧМКнын 2015-жылдын 16-мартындагы № 19/Ө буйругунда аталган жактардын арасында бар же жок экендигин кайра текшерип чыгууну.